പരാജിതൻ

നീ നിഷ്കളങ്കനായിരുന്നു 

നിനക്ക് തിരിച്ചറിവില്ലാതിരുന്നപ്പോൾ ,

തിരിച്ചറിവിൻറെ കാലത്ത് നിനക്ക് 

നിന്റെ നിഷ്കളങ്കത കൈമോശം വന്നിരിക്കുന്നു ,

പങ്കിടാനുള്ള മനസ് നിനക്ക് നഷ്ടമായിരിക്കുന്നു 

സഹജീവികളോടുള്ള സഹാനുഭൂതി നിന്നിൽ നിന്നും ,

അപ്രത്യക്ഷമായിരിക്കുന്നു ,

തിരിച്ചറിവിന്റെ കാലത്ത് 

നീ സ്വാർത്ഥനായിരിക്കുന്നു .....

നിന്റെ കാഴ്ച മറഞ്ഞിരിയ്ക്കുന്നു ,

നിന്റെ കേഴ്‌വി കുറഞ്ഞിരിക്കുന്നു ,

നിന്റെ വാക്കുകൾ ചുരുങ്ങി പോയതും ,

വാക്കുകൾക്ക് മൂർച്ച നഷ്ടമായതും ,

തിരിച്ചറിയാനാവാതെ നീ നീയല്ലാതായിരിക്കുന്നു ...